مسابقات

مسابقة مرجعي للحيوانات الأليفة بمجموع جوائز 75 ألف جنيه

في الوقت ده من الزمن في بيوت كتير جدًا فيها حيوانات أليفة من مختلف الأنواع وعلى رأسهم القطط والكلاب، ودايمًا تلاقي الحيوانات بتعمل طرائف مضحكة وأشكال جميلة مُبهِرة منتوقعهاش من المخلوق الجميل ده، وعشان كدا جينا ليكم بمسابقة لكل الحيوانات الأليفة تتيح ليهم فرصة الفوز بجوايز مالية مختلفة ليهم ولأصحابهم، مُقدمة من موقع مرجعي لكل الناس.

تفاصيل مسابقة الحيوانات الأليفة

مسابقة مرجعي للحيوانات الأليفة
مسابقة مرجعي للحيوانات الأليفة

الحيوان الأليف هو مصدر سعادة لكل بيت وفيهم من تصرفات الإنسان كتير، زي إنك تلاقي القط بتاعك مبتسم لما يخلص أكله، أو تشوف الكلب مبسوط وعمال يجري من الفرحة عشان نزل يتمشى معاك شوية، مصدر سعادة ورزق وحسنات لأصحابهم.

للتقديم علي المسابقة الرجاء الضغط هنا.

مش معنى إن القطط والكلاب هي أشهر الحيوانات الأليفة إن مفيش غيرهم يقدر يشترك في المسابقة، العصافير مثلًا من أجمل الحيوانات الأليفة واللي بنشوف ليها فيديوهات مضحكة كتير وتقليد أصوات وغيرها كتير، عشان كدا تقدر تشترك بـ أي حيوان أليف عندك.

سواء كان الحيوان الأليف قطة أو كلب أو غيره، أي فيديو بيضحك أو كيوت فـ هو مؤهل إنه يشترك ويفوز بالمسابقة، فلو عندك حيوان بيعمل حاجات غريبة وبيضحكك شارك ومتخافش، لإن ده مكانه واللي ممكن يكسبك انت كمان.

جوائز الفائزين بالمسابقة

عندك فرصة تفوز بمسابقة مجموع جوايزها يوصل لـ 75 ألف جنيه مصري، وده لو كنت من أفضل 3 فيديوهات مرسلة للموقع، بحيث يتم تصفية الفيديوهات واختيار أول 3 للفوز بجوائز مالية مختلفة، طيب لو مطلعتش من أول 3؟

متقلقش لإن موقع مرجعي سايبلك فرصة تانية بإنك تكون من أول 50 فائز بعد الـ 3 الأوائل، ولكل فائز منهم جائزة مختلفة، أكيد هدفك إنك تكون ضمن الـ 3 الأوائل، قيمة الجوايز هتكون بالجنيه المصري أو ما يعادلها بالدولار الأمريكي…

طب ايه هي قيمة الجوائز؟

  • الفائز الأول يحصل على 25000 جنيه.
  • الفائز الثاني يحصل على 18000 جنيه.
  • الفائز الثالث يحصل على 12000 جنيه.
  • بعد الـ 3 فائزين الأوائل، يحصل أصحاب أفضل 50 فيديو على جوايز تانية خاصة بيهم.
  • أكتر 2 هيعملوا شير للمسابقة مع صحابهم هيحصل كل واحد على 1000 جنيه ولازم اللي يشترك من خلالك يكتب رقم تليفونك في نموذج التقديم.

مدة فرز الفيديوهات هتستمر لمدة أسبوعين بعد انتهاء مدة التقديم، بعد كدا هيتم التواصل مع الفائزين كلهم والإعلان عنهم على الموقع يوم 15 مارس 2023، وهتقدروا تشوفوهم بنفسكم على الموقع سواء بـ صور أو فيديوهات.

طريقة استلام الجايزة هتكون من خلال فودافون كاش أو PayPal لو خارج مصر.

شروط التقديم على المسابقة

عشان تضمن إن الحيوان الأليف بتاعك يتأهل للمسابقة ويكون له فرصة الفوز، لازم تلتزم بالشروط دي:

  • أهم شرط عشان الحيوان بتاعك يتأهل للفوز في المسابقة هو إن الفيديو يكون خاص بيه ومش عشوائي من على الإنترنت.
  • الفيديوهات اللي تترفع لازم تكون مضحكة أو كيوت عشان تتأهل للمسابقة.
  • هيتم فرز وفحص كل الفيديوهات المرفوعة وفي حالة إثبات إن الفيديو من على الإنترنت هيتم استبعاد صاحب الفيديو.
  • لازم الحيوان الأليف يكون ملكك انت أو أصحابك أو أقاربك.
  • في حالة الفوز في المسابقة، فلازم تصور الحيوان الأليف مرة تانية لإثبات ملكيته.
  • تقدر ترفع فيديوهات الحيوان بتاعك حتى 10 فيديوهات بحد أقصى وكلها هتتشاف وتتأهل للمسابقة.

سهلنا عليكم الشروط عشان يكون للكل فرصة إنه يفوز، فـ لو شايف إن الشروط دي موجودة ومناسبة معاك، انزل شوف طريقة التقديم تحت وقدم للحيوان الأليف بتاعك قبل نهاية الوقت.

طريقة التقديم في المسابقة بالتفصيل

كل اللي مطلوب منك عشان تتأهل للمسابقة هي إن يكون عندك فيديو أو أكتر يكون مضحك أو كيوت (Cute) للحيوان الأليف بتاعك، وعشان متكسلش فـ احنا خلينا طريقة التقديم بسيطة وتضمن لنفسك فرصة الفوز، تقدر تقدم الحيوان الأليف بتاعك بكل سهولة من خلال كتابة بياناتك ورفع الفيديوهات في الفورم التالي:

للتقديم علي المسابقة الرجاء الضغط هنا.

في البداية لازم تدخل من خلال الإيميل بتاعك اللي هو جيميل ، ثم اسمك ويُفضل يكون ثلاثي، بعد كدا اكتب رقمك واللي يُفضل يكون عليه واتس آب لسهولة التواصل، وبعد كدا تقدر ترفع الفيديوهات بسهولة بالضغط على كلمة “Add file” واختيار الفيديوهات المناسبة ثم اضغط على “submit” عشان يوصلنا الفورم.

متنساش تقولنا في الفورم مين عرفك على المسابقة وعملها شير معاك عشان أكتر إتنين ليهم جايزة مالية كذلك، تقدر تكتب رقم الواتس آب بتاع صاحبك عشان يقدر يكسب هو كمان، ومش لازم يكون مشترك في المسابقة.

آخر معاد للتقديم على المسابقة هو 28  فبراير 2023، يعني معاك وقت كبير عشان تحضر فيديو أو إتنين للحيوان الأليف بتاعك ويكون ليك فرصة تكسب.

مسابقة الحيوانات الأليفة المقدمة من موقع مرجعي مش هتكون المسابقة الأخيرة ليكم، ونتمنى إن المسابقة تكون فرصة عشان تتجمعوا وتختاروا الفيديوهات المناسبة للحيوانات بتاعتكم، متنسوش تشاركوا المسابقة مع صحابكم واستنونا في المسابقة الجاية إن شاء الله.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى